Google ADS

Inter përgatitet ta shesë Godin, kjo është arsyeja

16:51 | 8 Prill 2020
Arbresh Info

Inter është duke u përgatitur ta shesë qendërmbrojtësin, Diego Godin në verë pasi ky i fundit ka dështuar të adaptohet në stilin e lojës së Antonio Conte-s.

Sipas Calciomercato, 34-vjeçari ka respekt të madh për Conte-n, por nuk ka arritur t’i përshtatet formacionit të teknikut italian që preferon 3-5-2, andaj uruguaiani shumicën e ndeshjeve është në stol, transmeton portali arbresh.info.

Paga e Godin është shume e madhe, ngase fiton rreth 5 milionë euro në vit plus bonuset.

Kontrata e Godin skadon në vitin 2022 dhe “Neurazurët” nëse e shesin do të shpëtojnë 20 milionë euro.

Inter është duke kërkuar një qendërmbrojtës që mund t’i përshtatet formacionit të Conte-s dhe thuhet se i pari në listë është Marash Kumbulla.

Ndërsa, për Godin kanë interesim Tottenham e Manchester United, por asnjëri nga këta dy gjigantë anglez nuk kanë bërë ndonjë ofertë zyrtare./arbresh.info.

Shpërndaje në rrjete sociale

Lajmet më të lexuara

Të ngjashme

Foto lajm